“Mən yunanları sevirəm!”.
Gununsesi.info xəbər verir ki, Ağ Evdə Yunanıstanın müstəqilli günü ilə bağlı Yunan-Amerika Cəmiyyətinin təşkil etdiyi təntənəli mərasim təşkil olunub.
Tədbirə qatılan ABŞ prezidenti Donald Tramp çıxışına bu sözlərlə başlayıb:
“Mən yunanları sevirəm, bircə bilsəniz nə qədər sevirəm yunanları. Yaddan çıxarmayın ki, mən Nyu-Yorkdanam. Orada hər yerdə yunanları görmək olar. Onlar hər yerdədirlər!”.
Tramp eyni zamanda, Ağ Evin aparat rəhbəri, yunan əsilli Rayns Pribusun fəaliyyətini təqdir edərək bildirib ki, o, Amerikada yunanların ən öncül simalarından biridir.
Prezident digər yunanların da ölkənin inkişafına verdiyi töhfədən danışıb.
Tramp onu da əlavə edib ki, düz 30 ildir Yunanıstanın müstəqillik günü Ağ Evdə qeyd olunur və bunun bünövrəsini Ronald Reyqan qoyub.
Mürtəza
Gununsesi.info
