“Sabiq müstəntiq Rüfət Səfərovu saxlandığı 9 saylı Cəzaçəkmə Müəssisəsində Cərimə Təcridxanasına (Karsa) salınıb”.
Bu haqda Gununsesi.info-ya R.səfərovun vəkili Bəhruz Bayramov məlumat verib. “Guya R.Səfərov daxili intizam qaydalarını pozub. Halbuki, R.Səfərov hazırda karantin müddətini keçir. Hələ heç müəssisəyə də buraxilmayıb. Karantində saxlanılır”- o,deyə, bildirib
B.Bayramovun sözlərinə görə, bu R.Səfərova qarşı təzyiqlərin növbəti davamıdır.
Qeyd edək ki, Zərdab rayon Prokurorluğunun sabiq müstəntiqi Rüfət Səfərov Cinayət Məcəlləsinin 311-ci (rüşvət alma) maddəsi ilə təqsirləndirilib. 2016-cı il yanvarın 15-də Binəqədi rayon Məhkəməsinin qərarı ilə R. Səfərov barəsində 4 ay müddətinə həbs-qətimkan tədbiri seçilib. Həmin qərardan məhkəməyə müraciət olunaraq həbs qərarının ev dustaqlığı ilə əvəz olunması istənilib. Yanvarın 22-də onun müraciətinə Binəqədi rayon Məhkəməsi tərəfindən baxılıb və barəsində seçilmiş həbs qətimkan tədbiri ev dustaqlığı ilə əvəzlənib.
2016-cı il sentyabrın 8-də Lənkəran Ağır Cinayətlər Məhkəməsinin hökmü ilə R. Səfərov 9 il müddətinə azadlıqdan məhrum edilib.
Gülnaz Qənbərli
Gununsesi.info
