Gürcüstanın sabiq prezidenti Mixail Saakaşvili milyarder və hakim “Gürcü arzusu” partiyasının qurucusu Bidzina İvanişvili barədə danışıb.
Gununsesi.info xəbər verir ki, bu barədə o, özünün “Facebook” sosial şəbəkə hesabında yazıb.
“2011-2012-ci illərdə İvanişvilinin yaratdığı təhlükəni başa düşəndə daha qətiyyətli hərəkət etmədiyim üçün məni daim tənqid edirlər. Əslində, seçki kampaniyası zamanı insanlara İvanişvili seçiləcəyi təqdirdə onları nə gözlədiyini izah etmək üçün hər şeyi etdim”, – deyə o qeyd edib.
Saakaşvili deyib ki, o və İvanişvili arasında köklü fərq var. Hazırda vətənində həbsdə olan sabiq prezident müxtəlif üsullardan istifadənin onu İvanişviliyə bənzədəcəyini və bunun diktatura qurmağa bərabər olduğunu vurğulayıb: “Onun insanlara qarşı empatiyası sıfırdır və mən insanları sevirəm. Ona görə də mən bu təhlükəli, bədxah adamın etdiyi kimi davrana bilməzdim”.
