Dünyada uçurum düz kənarında yerləşən onlarla qəsəbə var. İlk baxışdan təhlükəli görünsə də buradakı mənzərə görənlərin zövqünü oxşayır.
Gununsesi.info bu qəsəbələrdən bəzilərini oxucularına təqdim edir.
Ronda, İspaniya
Möhtəşəm təbiəti ilə turistlərin zövqünü oxşayan qəsəbənin memarlıq abidələrinin gözəlliyinin səbəbi bu ərazidə XIX əsrə qədər davam edən İslamiyyət hakimiyyəti dövründə tikilməsidir. Qəsəbə uçurumun düz kənarında yerləşir.
Santorini, Yunanıstan
Yunanıstanın Santorini qəsəbəsinə hər il turistlər axın edir. Uçurumun kənarında yerləşən bu qəsəbədə vaxtilə vulkan püskürmələri olmuş, zəlzələlər baş vermişdi.
Pitigliano, İtaliya
İtaliyanın Toskana bölgəsində salınmış Pitigliano qəsəbəsi 313 metr hündürlükdə yerləşir. 4 minə yaxın əhalisi olan və Orta əsrlərdən qalan bu qəsəbənin sakinləri şərab və zeytun yağı istehsal etməklə öz yaşayışlarını təmin edirlər.
Riomaggiore, İtaliya
YUNESKO tərəfindən qorunan qəsəbə vaxtilə balıqçı kəndi olub. Nağılları xatırladan kənd nazik və uzun küçə üzərində salınmışdır. Küçənin sonundakı yüksək təpə qəsəbənin möhtəşəm mənzərəsini nəzərə çarpdırır.
Piodao, Portuqaliya
Serra do Acor təpələrində yerləşən qəsəbə uçurumun kənarında salınması ilə yanaşı, öz memarlıq abidələri ilə də diqqət çəkir.
Veliko Tarnovo, Bolqarıstan
1965-ci ildə qəsəbəyə böyük, möhtəşəm mənasını verən “Veliko” adının verilməsi bu yerin mükəmməlliyindən xəbər verir. Bolqarıstan tarixində önəmli yeri olan Veliko Tarnovo vaxtilə İkinci Bolqar dövlətinin paytaxtı olmuşdur. 220 metr yüksəklikdə yerləşən qəsəbədə otellər də fəaliyyət göstərir.
Vernazza, İtaliya
Vernazza Genova və Piza arasındakı Liqurian dənizinin sahillərində yerləşən və mənası “beş kənd” olan qəsəbədir. Dağın başında yerləşən qəsəbəyə 100 il əvvələ qədər heç bir quru yolu yox idi. Hazırda turistik əraziyə çevrilən Vernazza hər il yüzlərlə ziyarətçi qəbul edir.
Civita Di Bagnoregio, İtaliya
70 nəfərin yaşadığı qəsəbədə yayda sakinlərin sayı 300 nəfərə qədər yüksəlir. Olduqca maraqlı görüntüsü olan Civita Di Bagnoregio 1795-ci ildə baş vermiş zəlzələ nəticəsində yaranmış uçurum ilə digər torpaqlardan ayrı düşüb. Burada tez-tez müşahidə olunan zəlzələlər səbəbindən qəsəbədə yaşayış qadağan olunmuşdur. Lakin hələ də buranı tərk etməyən sakinlər var. Qəsəbə ilə əlaqə yaratmaq üçün nazik və uzun körpü salınmışdır.
Meteora, Yunanıstan
Hərfi mənası “havada asılı” mənasına gələn Meteora sivri bir qayalığın üzərində yerləşir. 300 metr yüksəklikdə salınmış bu qəsəbədə yaşamaq cəsarət tələb edir.
Rocamadour, Fransa
Fransanın cənub-qərbində dar bir boğazda inşa edilmiş qəsəbənin tarixi XII əsrə dayanır. Uçurumun kənarında yerləşən Rocamadour hər il turist axını ilə üzləşən bölgələrdəndir.
Nigar
Gununsesi.info
