Bir neçə saatdan sonra Milli Şura Yasamal rayonu ərazisindəki “Məhsul” stadionunda növbəti mitinq keçirəcək.
Gununsesi.info xəbər verir ki, mitinqdə hər hansı təxribat hadisələrinin baş verməməsi məqsədi ilə hazırda hüquq-mühafizə orqanlarının mina axtaranları stadion ərazisinə ciddi baxış keçirirlər.
Minaaxtaranlar əllərindəki qurğular vasitəsi ilə stadion ərazisini nəzarətdən keçirirlər. Düzdür, bu hərəkətlər müxalifətin bundan öncə keçirdiyi aksiyalarda da olub. Ancaq hüquq-mühafizə orqanları bu dəfə ərazini daha ciddi formada yoxlayırlar.
Bunu zəruri edən amillər də var. Çünki Dövlət Təhlükəsizlik Xidmətinin (DTX) bu günlərdə keçirdiyi əməliyyat zamanı zərərsizləşdirilən terrorçuların ölkədə ictimai-siyasi sabitliyi və ictimai asayişi pozaraq, cəmiyyətdə ciddi ajiotaj yaratamaq məqsədi ilə müxalifətin mitinqində təxribat edəcəkləri barədə məlumatlar əldə edilib. Bununla bağlı informasiya DTX-nın oktyabrın 27-də yaydığı məlumatda da yer alıb.
Gununsesi.info
