Azərbaycanda 3 və 5 ildən bir hakimlərin qiymətləndirilməsi aparılacaq.
Gununsesi.info -nun Modern.az-a istinadən məlumatına görə, bununla bağlı “Məhkəmə Hüquq Şurası haqqında” qanuna dəyişiklik təklif edilir.
Dəyişikliyə görə, qanunun 13-cü maddəsinin (Hakimlərin fəaliyyətinin qiymətləndirilməsi) 13.1-ci bəndi aşağıdakı yeni redaksiyada verilir
Yeni redaksiyada verilir: İlk dəfə 3 il müddətinə təyin edilmiş hakimlərin fəaliyyəti həmin müddətin sonunda, digər hakimlərin fəaliyyəti isə beş ildə bir dəfədən az olmayaraq Məhkəmə-Hüquq Şurası tərəfindən qiymətləndirilir.
Hazırki qanunvericiliyə görə isə hakimlərin fəaliyyəti beş ildə bir dəfədən az olmayaraq Məhkəmə-Hüquq Şurası tərəfindən qiymətləndirilir.
Qanun layihəsinə dəyişikliklər Milli Məclisin iyunun 29-da keçiriləcək növbədənkənar iclasında müzakirə ediləcək.
