Ağdam Sənaye Parkında ayaqqabı istehsalı müəssisəsi yaradılacaq.
Gununsesi.info xəbər verir ki, bu barədə iqtisadiyyat naziri Mikayıl Cabbarov Tvitter səhifəsində yazıb.
Nazir qeyd edib ki, Ağdam Sənaye Parkında daha bir sahibkarlıq subyektinə rezident statusu verilib və rezidentlərin sayı 15-ə çatıb.
“Sənaye parkında yeni rezident BAFCO İnvest MMC tərəfindən investisiya həcmi 10 mln. manat olan müxtəlif təyinatlı çəkmə və ayaqqabıların istehsalı müəssisəsi yaradılacaq və 120 nəfər işlə təmin ediləcək”, – M.Cabbarov bildirib.
Gununsesi.info
