Alman polisi Vuppertal şəhərində hicablı qadının maska taxmadığını əsas gətirərək zorakılıq tətbiq edib.
Gununsesi.info qafqazinfo-ya istinadən xəbər verir ki, körpəsi ilə birlikdə stomatoloji klinikadan çıxan xanıma sərt müdaxilə olunaraq yerə uzadılıb və qolları qandallanıb.
Tibb işçiləri və küçədə olan vətəndaşlar məsələyə müdaxilə edib, polisin sərt reaksiyasını qınayıb. Həmin anlar lentə alınaraq KİV-də yayımlanıb. Polislə insidenti lentə alan vətəndaş arasında da qarşıdurma yaşanıb.
Ətrafdakıların reaksiyası artdığından polis qadını sərbəst buraxmalı olub.
Polis zorakılığına məruz qalan vətəndaş şikayətçi olacağını açıqlayıb.
