Amerikanın “Karl Vinsin” aviadaşıyıcı gəmisi Çusimskiy boğasından Yapon dənizinə daxil olub.
Gununsesi.info “Lenta.ru”-ya istinadən xəbər verir ki, Amerikan gəmisi ABŞ Hərbi-Dəniz Donanması Qüvvələri ilə Yaponiyanın Silahlı Qüvvələrinin aprelin 23-dən etibarən keçirdiyi birgə hərbi təlimlərə qoşularaq, bu təlimlərdə iştirak edəcək.
Yaxın vaxtlarda isə ABŞ-la Cənubi Koreyanın birgə hərbi təlimlərinə start veriləcək və adıçəkilən gəmi orada da iştirak edəcək.
Bu hərbi təlimlərin hamısı Şimali Koreyaya təzyiq göstərmək məqsədi daşıyır.
Qeyd edək ki, bu ərəfədə Şimali Koreya növbəti ballistik raketini sınaqdan keçirib və sınaq uğursuz alınıb. ABŞ kəşfiyyatının verdiyi məlumata görə raket havaya buraxıldıqdan sonra hərbi hava limamından təqribən 35 km aralıda yerə düşüb.
ABŞ hərbi qırıcı təyyarə daşıyan gəmisi olan “Karl Vinson” aprelin avvəlində Şimali Koreyanın sınaqdan keçirdiyi raketdən sonra Koreya yarımadasına göndərilib.
Gəmi hələlik bir ay müddətinə Koreya sahillərində xidmət çəkəcək.
“Karl Vinson”-la yanaşı Lake Champlain (CG-57) kreyseri, Michael Murphy (DDG-112) , Wayne E. Meyer (DDG 108) esminesləri, o cümlədən, Aegis PLS sistemi xidmət edəcək.
Mürtəza
Gununsesi.info
