“Biz Gürcüstanı Avropa İnsan Hüquqları Konvensiyasından irəli gələn öhdəlikləri yerinə yetirməyə və Strasburqdakı Müvəqqəti İnsan Hüquqları Məhkəməsi tərəfindən qoyulmuş müvəqqəti tədbirlərə tam əməl etməyə çağırırıq”, – bu haqda Gürcüstanın üçüncü prezidenti Mixeil Saakaşviliyə Avropa İttifaqı adından prezident Şarl Mişel kabinetinin rəhbəri Frederik Bernard və Avropa komissiyası adından prezident Ursula Fon Der Layenin kabinetinin rəhbəri Börn Zibert tərəfindən göndərilən məktubda deyilir.
Məktubda bildirilir ki, Avropa Şurası və Avropa Komissiyası Saakaşvilinin fundamental hüquqlarının müdafiəsinə, eləcə də ədalətli məhkəmə hüququnun həyata keçirilməsinə xüsusi diqqət yetirəcək.
Məktubda bildirilir ki, gərginliyin daha da azaldılması və iqtidarla müxalifətin buna birgə töhfə verməsi vacibdir.
Məktubda qeyd edilir ki, islahatların vaxtında həyata keçirilməsi və hamının iştirakı ilə həyata keçirilməsi Gürcüstanın demokratik inkişafında və dövlətin davamlılığında real irəliləyiş əldə etməyin ən yaxşı yoludur ki, bu da hazırda Gürcüstanın siyasi sisteminə ziyan vuran qütbləşməyə son qoyacaq.
“Hörmətli cənab Mixeil, 14 oktyabr 2021-ci il tarixli məktuba görə Sizə təşəkkür edirik.
Qori Hərbi Hospitalına köçürülmənizi və aclıq aksiyasını dayandırmaq qərarınızı alqışlayırıq və sizə uğurlu sağalma arzulayırıq.
Gürcüstan hökuməti məhbusun sağlamlığını təmin etmək yəni, adekvat müalicəni təmin etmək üçün qanuni məsuliyyət daşıyır.
Biz Gürcüstanı Avropa İnsan Hüquqları Konvensiyası üzrə öhdəliklərini yerinə yetirməyə və Strasburq İnsan Hüquqları Məhkəməsinin çıxardığı müvəqqəti tədbirdə göstərilən tələblərə tam əməl etməyə çağırırıq.
Gələcəkdə gərginliyin daha da azaldılması və buna iqtidarla müxalifətin birgə töhfə verməsi çox vacibdir. Biz sizin fundamental hüquqlarınızın qorunmasına, eləcə də ədalətli məhkəmə araşdırması hüququnuzun həyata keçirilməsinə xüsusi diqqət yetirəcəyik.
Bundan əlavə, ən yüksək etika və vicdanlı standartları qoruyan və son seçkilərdə şahidi olduğumuz çatışmazlıqları aradan qaldıran müstəqil, şəffaf və hesabatlı məhkəmə sistemi təkcə Gürcüstan vətəndaşlarının qanuni gözləntisi deyil, həm də Aİ-Gürcüstan münasibətləri üçün öhdəliklər nöqteyi-nəzərindən çox vacibdir.
İslahatların vaxtında və universal iştirakla həyata keçirilməsi Gürcüstanın demokratik inkişafı və dövlətin davamlılığı baxımından real tərəqqinin ən yaxşı vasitəsidir. Bu, hazırda Gürcüstanın siyasi sisteminə zərər vuran kəskin qütbləşməyə son qoyacaq”, – deyə Avropa İttifaqı adından prezident Şarl Mişel kabinetinin rəhbəri Frederik Bernard və Avropa komissiyası adından prezident Ursula Fon Der Layenin kabinetinin rəhbəri Börn Zibert tərəfindən göndərilən məktubda deyilir.
