“Azərbaycanla Türkiyə təbii fəlakətlər, fövqəladə hallar, eyni zamanda qaçqınlar məsləsi sahəsində sıx əməkdaşlıq edir”.
Gununsesi.info xəbər verir ki, bunu Türkiyə Nazirlər Kabineti yanında Təbii Fəlakət və Fövqəladə Hallar İdarəsinin (AFAD) rəisi Mehmet Halis Bilden 15 iyul hadisələrinin ildönümü ərəfəfəsində iyulun 13-də Ankarada xarici ölkə jurnalistləri ilə görüşündə deyib.
Onun sözlərinə görə, bu sahələrdə əməkdaşlığımız tənzimləyən hüquqi sənədlər də mövcuddur və buna uyğun olaraq biz əməkdaşlığımız inkişaf ediririk. “Hər iki qardaş ölkə bir-birinə dəstək verir”- deyə, AFAD rəhbəri vurğulayıb.
15 iyul 2016-cı ildə Türkiyədə baş vern xain dövlət çevrilişi zamanı Azərbaycanın Türk xalqına və dövlətinə verdiyi dəstəkdən söz açaraq bildirib ki, biz çətin anlarımızda qardaş Azərbaycan dövlətinin və xalqının hərtərəfli dəstəyini gördük:
“Hətta Azərbaycan mediası baş verən xain dövlət çevrilişinə həmən rekasiya verərək baş verənləri pisləməklə Türk xalqının və dövlətinin mövqeyini dəstəklədi. Baş verən hadisələri obyektiv işıqlandırdı”.
Türkiyənin Suriya qaçqınlarına etdiyi dəstəkə və yardımdan danışan AFAD rəhbəri deyib ki, indiyədək Türkiyə suriyalı qaçqınlara 30 milyard dollar xərcləyib. “Suriya qaçqınların olan yardım davam etməkdədir. Türkiyə təkcə 2016-2017-ci ildə 6 milyard dollar qaçqınlara yardım ayırıb. Ötən il Türkiyə qaçqınlara yardım etmək sahəsində dünya ölkələri sırasında ikinci yerdə qərarlaşıb. Birinci yerdə 6,5 milyard dollarla ABŞ olub. Artıq Türkiyə ikinci ildir ki, qaçqınlara göstərdiyi yardıma görə dünyada ikinci yeri tutur və qaçqınlara yardımına görə cəsur ölkə adını alıb”- deyə, AFAD rəhbəri bildirib.
Avropa Birliyinin suriyalı qaçqınlara yardımına gəldikdə isə AFAD rəhbəri deyib ki, AB qaçqınlara 3 milyard dollar vəsait ayırmaq barədə qərar versə də, indiyədək qəbul etdiyi qərara uyğun addım atmayıb: “AB indiyədək Türkiyədə məskunlaşan suriyalı qaçqınlara 811 milyon dollar həcmində yardım edib”.
AFAD-ın dünya səviyyəsində gördüyü işlərdən danışan M.Bilden deyib ki, təşkilat indiyədək dünyanın 56 ölkəsinə yardım edib və ya orada ba.verən fəlakətlərin aradan qaldırılmasında iştirak edib.
Mürtəza Bünyadlı
Gununsesi.info