Avropa Voleybol Konfederasiyası (CEV) azərbaycanlı hakim Eldar Əliyevə növbəti təyinat göndərib.
Gununsesi.info-nun məlumatına görə, ədalət təmsilçimiz qadın voleybolçular arasında keçirilən Çempionlar Liqasının qrup mərhələsində iş başında olacaq.
Əliyev III tur çərçivəsində baş tutacaq “Uraloçka” (Rusiya) – “Vakıfbank” (Türkiyə) duelində ikinci hakim funksiyasını yerinə yetirəcək. Matçda əsas referi isə italiyalı Roberto Boris olacaq.
Qeyd edək ki, oyun fevralın 28-də Yekaterinburqda keçiriləcək.
Gununsesi.info