“Azadlıq” qəzetinin əməkdaşı, Azərbaycan Xalq Cəbhəsi Partiyasının (AXCP) sədri Əli Kərimlinin köməkçisi Faiq Əmirli inzibati qaydada həbs edilib.
Gununsesi.org-un APA-ya istinadən məlumatına görə, Səbail rayon Məhkəməsində hakim Ülviyyə Şükürovanın sədrliyi ilə keçirilən məhkəmə prosesində Faiq Əmirli barəsində 30 sutka inzibati həbs qərarı verilib.
O, İnzibati Xətalar Məcəlləsinin 211-ci (“Epidemiya əleyhinə rejimin, sanitariya-gigiyena və karantin rejimlərinin pozulması”) maddəsi ilə ittiham edilib.
