“Amerikanın səsi” və “Azadlıq radiosu” fəaliyyətini dayandırıb.
Bu, prezident Donald Trampın mediaların işinə nəzarət edən ABŞ Qlobal Media Agentliyi ilə bağlı verdiyi qərardan sonra baş verib.
Martın 14-də açıq ABŞ Qlobal Media Agentliyi də daxil olmaqla yeddi federal agentliyin fəaliyyət miqyasının əhəmiyyətli dərəcədə azaldılması nəzərdə tutulurdu.
“83 ildə ilk dəfə əfsanəvi “Amerikanın Səsi” kəsildi”, – “VOA”-nın direktoru Maykl Abramovitz yazıb. Azadlıq Radiosunun prezidenti Stiven Kapus isə deyib ki, qrant sazişinin dayandırılması Amerikanın düşmənlərinə böyük hədiyyədir:
“İran ayətullahları, Çinin kommunist liderləri, Moskva və Minskdəki avtokratlar 75 ildən sonra AzadlıqRadiosunun işinin dayandırılımasını bayram edəcəklər. Düşmənlərimizin bu qələbəni əldə etməsi onları gücləndirəcək, Amerikanı zəiflədəcək”.
Günel
