Bu yaxınlarda İraqa təxliyə olunan 500-ə yaxın amerikalı hərbçi Suriyanın şimalındakı hərbi bazaya qayıdıb.
Gununsesi.org xəbər verir ki, “Asharq Al-Awsat” qəzetinin yaydığı məlumata görə, həmin baza Tell-Tamer və Tell-Baydar yaşayış məntəqələri arasında, İraq sərhədində yerləşən Qamışlı şəhərindən Hələbə gedən M4 avtomobil yolunun yaxınlığındadır.
Bir müddət öncə “Al Watan” qəzeti 34 yük avtomobilindən ibarət hərbi karvanın Əl-Valid nəzarət-buraxılış məntəqəsindən Suriyanın Haseke əyalətinə daxil olduğunu yazıb. Shafaaq News portalı isə ötən gecə Birləşmiş Ştatlara məxsus 150 ədəd hərbi texnikadan, o cümlədən 35 zirehli transportyordan ibarət bir neçə hərbi karvanın İraq ərazisindən Suriyaya keçdiyini bildirib.
Xatırladaq ki, Türkiyə ordusu Suriyanın şimal-şərqində “Sülh çeşməsi” əməliyyatına başladıqdan sonra ABŞ öz hərbçilərini bu bölgədən çıxararaq İraqa aparmışdı.
Gununsesi.org
