Dekabrın 19-u axşam saatlarında Rusiyanın Türkiyədəki fövqəladə və səlahiyyətli səfiri Andrey Karlovun Ankaranın Çankaya rayonunda qatıldığı sərgidə silahlı hücuma məruz qalaraq, qətlə yetirilməsi ciddi narahatlıqlar doğurub.
Gununsesi.info Türkiyə KİV-lərinə istinadən xəbər verir ki, səfirə sui-qəsd edən şəxsin polis işçisi olduğu bildirilir.
“Terrorrçunun vətəni olmaz” – deyilsə də, hazırda zavala gələn səfirin bu qətl hadisəsi insanların içinə xof salıb.
Azərbaycanda bu sahədə mühafizə xidməti yüksək səviyyədə həyata keçirilsə də, Rusiyanın ölkəmizdəki səfirliyinin binasının və əməkdaşlarının təhlükəsizliyinin gücləndirilməsi, qorunması, eləcə də hansı əlahiddə qabaqlayıcı tədbirlərin görülməsi və ehtiyat tədbirlərinin həyata keçirilməsini öyrənmək məqsədiylə Daxili İşlər Nazirliyi (DİN) mətbuat xidmətinin əməkdaşı Ehsan Zahidovla əlaqə saxladıq.
E. Zahidov: “Biz bu məsələlərlə məşğul olmuruq, bununla bağlı Xarici İşlər Nazirliyinə müraciət edin”- deyə, bildirib.
Gülnaz Qənbərli
Gununsesi.info
