Rusiyanın “Lukoil” neft şirkətinin prezidenti, azərbaycanlı neft maqnatı Vahid Ələkbərov “Kommersant”a müsahibəsində Azərbaycanda iki layihə üzrə danışıqlar apardığını deyib.
Gununsesi.org-un məlumatına görə, iş adamı Azərbaycanda gələn il üçün nəzərdən keçirdiyi layihələrdən bəhs edərkən bildirib ki, şirkət olaraq Azərbaycanda ilk layihələrini reallaşdırıblar.
Vahid Ələkbərov həmin layihələrin adlarını açıqlamayıb. “Azərbaycanda hazırda bizim danışıqlar prosesimiz gedir, hansı ki, biz bunu 2020-c ilin birinci kvartalında sürətlə yekunlaşdırmağı nəzərdə tuturuq. Bizi iki layihə maraqlandırır, amma mən hələ onları açıqlaya bilmərəm, hələlik onlarla bağlı müqavilə imzalanmayıb”,-milyarder bildirib.
V.Ələkbərov Azərbaycanla yanaşı, Qazaxıstanda da “bəzi maraqlı layihələr” üzrə danışıqlar getdiyini deyib. Onun sözlərinə görə, “Lukoil” Xəzərdə fəal geoloji-kəşfiyyat işləri də aparırı və gələn il “Xəzri” blokunda quyuların qazılmasına başlayacaq
Qeyd edək ki, “Forbes” jurnalının bu ilin dekabr ayına olan hesabatına əsasən, 69 yaşlı biznesmen 20,7 milyard dollar sərvətə sahibdir.
