Brüsselin Mərkəzi Vağzalından insanları evakuasiya ediblər.
Gununsesi.info Rusiya KİV-nə istinadən xəbər verir ki, buna səbəb terror təhlükəsi olub.
Beləki, kürəyində bel çantası və partladıcı kəməri olan naməlun şəxs Mərkəzi Vağzalda güllələnərək öldürülüb.
Hazırda Brüsselin əsas binaları əsgəri qüvvələr tərəfindən mühafizə edilir.
Şahidlər bildirirlər ki, hadisə baş verərkən daha çox turistin olduğu bu ərazi qələbəlik olub.
“Het Laatste Nieuws” qəzeti isə kiçik partlayışdan əvvəl bir nəfərin “Allahu-Əkbər” qışqırdığını yazıb.
Səsə gələn polislər şübhəlinin geyiminin altından partladıcı qurğunun naqillərini çıxdığını görüb ona atəş açıblar.
Polisin bildirdiyinə görə, partlayıcı qurğu bir nəfərin üstündə olub: “Həmin şəxs polis tərəfindən güllələnib”.
Belçikanın federal prokuroru Erik Van Der Sypt isə yerli mətbuata açıqlamasında Brüsselin Mərkəzi vağzalında baş vermiş insidenti “terror hadisəsi” adlandırıb.
Antiterror polisi isə şübhəlinin təhlükəsizlik qüvvələri tərəfindən güllələnərək öldürüldüyünü, hadisə nəticəsində heç kimin xəsarət almadığını bildirib.
Gülnaz Qənbərli
Gununsesi.info
