Cəlilabadda narkotik satan dəstə üzvləri tutuldu

  • By admin
  • 03 İyul 2020 13:27

Cəlilabadda ümumi çəkisi üç kiloqramdan artıq olan narkotik və psixotrop maddə qanunsuz dövriyyədən çıxarılıb.

Gununsesi.org bildirir ki, bu barədə Daxili İşlər Nazirliyinin (DİN) Mətbuat Xidmətindən məlumat verilib.

Cəlilabad Rayon Polis Şöbəsi əməkdaşlarının daxil olan məlumat əsasında Qarazəncir kəndi ərazisində keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən “VAZ-21015” markalı avtomobilin sürücüsü, Bakı şəhər sakini S.Əliyev və sərnişinləri – Yevlax rayon sakinləri R.Quluoğlu, əvvəllər məhkum olunmuş N.Novruzov və Ağdaş rayon sakini O.Mehdizadə saxlanılıblar.

Belə ki, S.Əliyevə məxsus avtomobilə baxış zamanı oradan 1 kiloqram 935 qram heroin, 462 qrama yaxın tiryək və 985 qram metamfetamin aşkar edilərək götürülüb.

Gununsesi.org