Bu gün Milli Olimpiya Komitəsində Azərbaycan Voleybol Federasiyasına yeni prezidentin seçilməsi ilə bağlı iclas keçirilib.
Gununsesi.info Gənclər və İdman Nazirliyinin mətbuat xidmətinə istinadən xəbər verir ki, toplantıda “Azərbaycan Dəmir Yolları Qapalı Səhmdar Cəmiyyəti”nin sədri Cavid Qurbanov federasiya rəhbəri seçilib.
İclasda gənclər və idman naziri Azad Rəhimov və digər rəsmilər iştirak edib.
Xatırladaq ki, federasiyanın bundan əvvəlki prezidenti nəqliyyat naziri Ziya Məmmədov idi.
Gununsesi.info
