Gömrükdə 515 kq narkotik vasitə - heroin aşkar edildi

  • By admin
  • 24 May 2018 12:41

İran İslam Respublikasından ölkə ərazisinə daxil olan yük avtomobili Astara Gömrük İdarəsinin Gömrük hüquqpozmalarına qarşı mübarizə şöbəsinin əməkdaşları tərəfindən risk analizləri nəticəsində saxlanılıb və yoxlanılıb.

Gununsesi.info Dövlət Gömrük Komitəsinə istinadən xəbər verir ki, rentgen qurğusundan keçirilərkən həmin avtomobilin qoşqusunda şübhəli cizgilər müşahidə olunub. Kinoloji xidmət itinin tətbiqi ilə təkrar baxış zamanı isə xidməti it qoşqudakı dörd paletə reaksiya verib. Daha sonra həmin paletlər açılıb və ümumilikdə 515 kq narkotik vasitə – heroin aşkar edilib.

 Faktla bağlı araşdırma aparılır.