Tamamilə oturuşmamış cəmiyyətlərdə əfv sərəncamları, amnistiya aktları böyük rol oynayır və bu baxımdan, Novruz bayramı ərəfəsində veriləcək əfv sərəncamı da cəmiyyətdə sosial həmrəyliyin formalaşması üçün müstəsna əhəmiyyətə malikdir.
Bunu Gununsesi.info-ya açıqlamasında millət vəkili Tahir Kərimli deyib.
Onun sözlərinə görə, hər bir halda amnistiya aktları və əfv sərəncamları humanist addım olduğundan, bu, cəmiyyətin bütün təbəqələri tərfindən müsbət addım kimi qarşılanır:
“Dövlət başçısı İlham Əliyev də humanizm nümayiş etdirərək, Azərbaycanda mühüm bayramlar və günlər ərəfəsində mütəmadi olaraq belə əfv sərəncamları imzalayır. Və bunun nəticəsində də hər dəfə yüzlərlə məhbus azadlığa çıxaraq ailəsinə qovuşur. Növbəti belə bir humanist addım da xalqımızın milli bayramı- Novruz bayramı ərəfəsində imzalanacaq”.
Millət vəkili əlavə edib ki, Əfv Komissiyasının 7 iclası keçirilib ki, orada da 950 müraciətə baxılıb və bunun da 450-nə müsbət cavab verilib.
“Bildiyim qədər Əfv Komissiyasının sədrli Ramiz Mehdiyevin sədrliyi ilə keçirilən bu iclaslarda 30-dək siyasi məhbus hesab edilən şəxsin də məsələsinə baxılaraq, müvafiq rəy verilib. Ona görə də bu əfv sərəncamı azadlığa çıxacaq insanların sayına görə əvvəlki əfv sərəncamlarından fərqli olacaq. Xeyli sayda məhbus azadlığa çıxacaq. Bu əfv sərəncamı nəticəsində azadlığa çıxanlara təkcə onların ailə üzvləri, yaxınları deyil, eyni zamanda, bütövlükdə cəmiyyət sevinəcək”- deyə, millət vəkili vurğulayıb.
T.Kərimli deyib ki, belə humanist addımların atılması Azərbaycanın beynəlxalq alımdə də mövqeyinin möhkəmlənməsinə və ölkəmiz barəsində müsbət imicin formalaşmasına öz təsirini göstərir.
“Çünki bu əfv sərəncamları və amnistiya aktları beynəlxalq təşkilatlar və dünyanın aparıcı dövlətləri təərfindən birmənalı şəkildə müsbət qarşılanır və bununla bağlı bəyanatla da çıxış edirlər.
Bununla belə onu da demək istərdim ki, bu əfv sərəncamları və amnistiya aktları beynəlxalq aləm üçün deyil, daha çox bizim cəmiyyətin özü üçün vacibdir. Belə humanist addımlar ictimai və sosial barışığın, həmrəyliyin möhkmlənməsinə xidmət edir”- deyə, T. Kərimli vurğualyıb.
Bununla belə millət vəkili azadlığa buraxılan məhbusların cəmiyyətə inteqrasiyasını və faydalılqı əmsalını artırmaq üçün onların işlə təmin olunmasını vacib sayır:
“Əgər biz azadlığa buraxılan məhbusların cəmiyyətə inteqrasiya olunmasını, faydalılıq əmsalını artırmaq və ya yenidən onların məhbəsə dönməsini istəmiriksə, onları işlə təmin etməliyik və hökumət bu istiqamətdə ciddi addımlar atmalıdır. Hökumət bu məsələyə həssas yanaşmalı və onların işlə təmin olunmasına çalışmalıdır”.
O, təklif edib ki, bu məqsədlə hökumət mərkəzləşdirilmiş bir sistem yaratmalıdır:
“Hansı ki, bir sıra ölkəlrədə belə praktiak mövcddur. Onlar həbsdən çıxan şəxslərin cəmiyyətə inteqrasiya olunması və kriminal durumun azaldılması üçün eks məhbusları maksimum işlə təmin edirlər. Biz də bu yolu seçməliyik ki, həbsdən azad olanunlar cəmiyyətə inteqrasiya olunsun və yenidən məhbəs həyatı yaşamasın”.
Millət vəkili Aydın Hüseynov isə Gununsesi.info-ya açıqlamasında deyib ki, bu gün Azərbaycan Prezidenti İlham Əliyevi dünyada bir humanist siyasi şəxsiyyət kimi tanıyırlar.
“Çünki onun təşəbbüsü ilə ildə bir neçə dəfə əfv sərəncamı imzalanır və bunun nəticəsində yüzlərlə ailə azadlığa qovuşur. Belə bir addım yaxın günlərdə Novruz bayramı ərəfəsində olacaq. Yenə də xeyli sayda cinayət etmiş şəxs əfv olunaraq cəmiyyətə inteqrasiya olunacaq”.
Onun sözlərinə görə, İ. Əliyevin həyata keçirdiyi siyasətin ən əsas proioritetlərindən biri və ən başlıcası ölkə vətəndaşının təhlükəsiziliyni təmin etməklə yanaşı, onun azad və yaxşı rifah halında yaşamasına nail olmaqdan ibarətdir:
“Və ölkə başçısı fəaliyyətini bu istiqamətdə qurub. Elə Azərbaycan prezidenti İlham Əliyevin mütəmadi olaraq öz konstitutsion hüquqlarından istifadə edərək əfv sərəncamı imzalayaraq həbsdən yüzlərlə insanı azad edir”.
Millət vəkili əlavə edib ki, İ.Əliyev cinayət edən və sonradan öz cinayət əməllərindən peşiman olub, cəmiyyətə inteqrasiya olunmaq istəyən insanların müraciətini müsbət qarşılayaraq, onlara belə bir şans verir.
“Bunun üçün də ölkə başçısı öz konstitutsion hüququndan istifadə edərək, ildə bir neçə dəfə əfv sərəncamı imzlayır və bunun nəticəsində yüzlərlə insan azadlığa çıxır, ailəsinə qovuşur. Növbəti belə bir addımın xalqımızın milli bayramı olan Novruz bayramı ərəfəsində də atılması gözlənilir. Və bu dəfə də xeyli sayda məhbus azadlığa qovuşacaq”- deyə, o, vurğualyıb.
A.Hüseynov onu da xatırladıb ki, bundan əlavə olaraq, parlamentdə son 10 ildə Azərbaycanın birinci vitse-prezidenti, bu günlərədək Milli Məclisin üzvü olan Mehriban xanım Əliyevanın təşəbbüsü ilə 4 amnistiya aktı qəbul olunub:
“Bütün bunlar onu göstərir ki, Azərbaycanda humanizm bir dövlət siyasətidir və atılan bu addımlar da bunun əyani təzahürüdür”.
Millət vəkili Çingiz Qənizadə də Gununsesi.info-ya açıqlamasında deyib ki, dünyanın digər hər hansı bir ölkəsində belə bir pratktika mövcud deyil ki, ölkə başçısı öz konstitusion hüquqlarından istifadə edib ildə bir neçə dəfə əfv sərəncamı imzalasın.
“Ancaq Azərbaycan prezidenti İlham Əliyev öz konstitusion hüququndan istifadə edərək, ildə bir neçə dəfə belə təşəbbüslə çıxış edir. Minlərlə ailəyə sevinc bəxş edir. Hələ demirəm ki, daha genişəhatəli amnistiya aktları qəbul olunur və bunun nəticəsində minlərlə insan cəzadan azad edilir. Belə amnistiya aktları da Azərbaycanın birinci xanımı, bu günlərədək deputat həmkarımız olan, bu gün isə ölkənin birinci vitse-prezidenti Mehriban xanım Əliyevanın təşəbbüsü ilə olub. Məhz 12 illik deputat fəaliyyəti dövründə Mehriban xanım Əliyeva dörd dəfə amnistiya aktı təşəbbüsü ilə çıxış edib və nəticədə qırx mindək insan cəzadan azad olunub”- deyə, Ç.Qənizadə vurğulayıb.
Millət vəkilinin sözlərinə görə, yəni, bu, bir daha sübut edir ki, Azərbaycan dövlətini idarə edən şəxslər özləri belə təşəbbüslərlə çıxış edərək, humanist addımlar atırlar:
“Biz ölkə rəhbəri tərəfindən belə bir humanist addımın bu yaxınlarda da bir daha şahidi olacağıq. Belə ki, Novruz bayramı ərəfəsində Azərbaycan Prezidenti daha bir humanizm nümayiş etdirərərk, növbəti əfv sərəncamı imzalayacaq. Bu əfv sərəncamı ilə yüzdən artıq məhkum azadlığa çıxacaq və yenə də minlərlə insana sevinc bəxş ediləcək”.
Mürtəza
Gununsesi.info