“Əvvala mən hər hansı bir qayda pozmamışam. Hətta bu olmuş olsa belə onu ictimailəşdirmək görünür, o sayt üçün mövzu problemi ilə bağlıdır. Cəmiyyət varsa orada inzibati pozuntu da mümkündür. Mən əminəm ki, avtomobilimi təqib edən o jurnalistin özü dəfələrlə qayda pozub. Elə onun sükan arxasında əlinə telefon alıb, mənim maşınımın hərəkətini çəkməsi qayda pozuntusudur. O, özü bunu etdiyinə görə, qəza törədə bilərdi. Həmçinin, hesab edirəm ki, başqalarını güdmə, onları təqib eləmə xüsusi səlahiyyət sahibi olan qurumlara məxsusdur”.
Bu sözləri Gununsesi.info-ya açıqlamasında xalq artisti Gülyaz Məmmədova avtosfer.az saytının onun yol hərəkəti qaydalarını pozması barədə xəbərini şərh edərkən deyib. Xalq artisti bildirib ki, o, saga dönmə hərəkəti edərkən, dönmə qaydasına tam əməl edib: “Qayda pozmuş olsam belə inzibati protokol gələcək. Amma mən güman etmirəm ki, yanlışlığım olub. Əsl yanlışlığı sükanı buraxıb, telefonla çəkiliş edən jurnalist edib”.
Gununsesi.info
