Ünlü sənətçi- “İmperator” İbrahim Tatlısəsin İstanbuldan İzmirə köçdüyü haqda məlumat vermişdik.
Gununsesi.info-nun Türkiyə mediasına istinadən xəbərinə görə, ünlü sənətçi ömrünün qalan hissəsini bundan sonra ailə üzvləri ilə birlikdə İzmirdə keçirməyi və burada yaşamağı qərarlaşdırıb.
O, deyib ki, İstanbulda qalan digər qohum-əqrabasını da İzmirə köçürməyi və ya onları buna razı salmağı düşünür.
Korifey sənətkar İzmirə köçər-köçməz də burada şəxsi restoranının-istirahət məkanının açılışını edib.
Tatlısəs bildirib ki, İzmirdə yaxın gələcəkdə “otellər zinciri” də qurmağı hədəfləyir.
Ünlü sənətçi eyni zamanda, tezliklə onu sevənləri-pərəstişkarlarını sevindirəcəyini, yaxın iki ay ərzində yenidən sənətə-səhnəyə dönəcəyini vəd edib.
Həmçinin, tezliklə yeni albom-kaset buraxacağını da sözlərinə əlavə edib.
Kamil HƏMZƏOĞLU
Gununsesi.info
