İmişlidə fərdi yaşayışevi yanaraq külə dönüb. Evdə qalan ana və övladı son anda xilas edilib.
Gununsesi.info xəbər verir ki, hadisə ötən gecə şəhərin Alış Məmmədov küçəsində qeydə alınıb. Həmin ünvanda yaşayan Elbrus Abbasova məxsus fərdi yaşayış evi anidən alovlanmağa başlayıb. Bu barədə FHN-nin İmişli yanğından mühafizə hissəsinə məlumat daxil olan kimi hadisə yerinə yanğınsöndürən maşınlar və canlı qüvvə cəlb edilib. Hadisə zamanı həmin evdə kirayədə yaşayan Gülüstan Məmmədova və onun qızı Sərfinaz Məmmədova son anda yanğından xilas edilib. Yanğınsöndürənlərin səyi nəticəsində yanğın söndürülüb. Lakin buna baxmayaraq ümumi sahəsi 140 kvadrat metr olan 1 mərtəbəli fərdi yaşayış evi içindəki əşyalarla birlikdə yanaraq kül olub. Hadisənin hansı səbəbdən baş verdiyi məlum deyil.
Faktla bağlı araşdırma aparılır.