Bu gün DÇ-2018-də yarımfinal mərhələsinə yekun vurulacaq.
Gununsesi.info bildirir ki, ikinci finalçı Xorvatiya və İngiltərə arasında matçda müəyyənləşəcək.
Rəqiblər Rusiyanın paytaxtı Moskvada üz-üzə gələcək. 1966-cı ildən sonra 52 ildi çempionluğa həsrət olan İngiltərə millisi kuboka bir addım da yaxınlaşmağa çalışacaq.
Xorvatiya yığması isə tarixində ilk dəfə finalda oynamaq arzusundadır. DÇ-1998-dəki rekordunu – bürünc medalı yaxşılaşdırmaq əzmində olan balkanlılar məğlub olmadıqları mundialdakı uğurlu çıxışı davam etdirmək üçün mübarizə aparacaq.
DÇ-2018
Yarımfinal
22:00. Xorvatiya – İngiltərə
Hakimlər: Cüneyt Çakır, Bahettin Duran, Tarik Ongun (hamısı Türkiyə), Byorn Kuypers (Hollandiya)
Moskva. “Lujniki” stadionu