Rusiya XİN başçısı Sergey Lavrovun Türkiyənin Qarabağ münaqişəsinin həllində aktiv iştirakına cəlb olunması ilə bağlı mövqeyi Ermənistan rəhbərliyini ciddi təşvişə salıb. Artıq erməni diplomatlar da baş verən proseslərdən narahatdırlar.
Gununsesi.info xəbər verir ki, belə bir narahatçılığı Ermənistanın Rusiyadakı səfiri Arman Navasardyan “news.am”-a açıqlamasında açıqca dilə gətirib. Erməni diplomat deyib ki, Moskva yaxşı analayır ki, Rusiyanın Qafqazda hegemoniyasının qorunub-saxlanmasının açarı Ermənistandadır: “Əgər Rusiya açarı itirərsə bu o deməkdir ki, təkcə Ermənistanı itirməyəcək, bütövlükdə bölgəni itirmiş olacaq”.
Diplomatın sözlərinə görə, yaranmış situasiya əks effekt yarada bilər: “Ancaq təəssüflər olsun ki, bunu Ermənistanda hələ də çoxları anlamır. Nə zaman bu barədə danışıram, məni qınayırlar. Mən sadəcə sağlam düşünürəm və düşündüyümü də deyirəm. Çünki yaranmış vəziyyəti dərindən dəyərləndirməyi bacarıaram. Biz gərək Türkiyə və Azərbaycanla qonşuluq münasibətlərimizi nəzərə alıb, vəziyyəti düzgün dəyərləndirmək lazımdır. Bilməliyik ki, vəziyyət dəyişərsə, o zaman bölgədə nə baş verə bilər”.
Gununsesi.info
