İran Sənaye və Ticarət Nazirliyi ölkəyə idxal edilən 1339 adda məhsula qadağa qoyub.
Gununsesi.info DHA-ya istinadən xəbər verir ki, bu barədə nazir Məhəmməd Şəriətmədari məlumat verib.
O, həmin məhsulların ölkə daxilində də istehsal edilə biləcəyini söyləyib. Bu qərarın ABŞ-ın sanksiyalarına qarşı İranın dayanıqlı iqtisadi inkişafını təmin etmək məqsədilə verildiyi bildirilib.
İdxalı qadağan edilənlər arasında soyuducu, paltaryuyan, qabyuyan, ayaqqabı, dəri məhsulları, mebel, səhiyyə ləvazimatları, parça və digər fabrik məhsulları daxildir.
