“İŞİD üzvlərini biz məhv etmişik” - TÜRKİYƏLİ NAZİR

  • By admin
  • 24 Noyabr 2017 08:40

Türkiyə Yaxın Şərqdə hərbi əməliyyatlar zamanı İŞİD terror qruplaşmasının 4 mindən çox üzvünü məhv edib.

Gununsesi.info xəbər verir ki, bu barədə Türkiyə XİN rəhbəri Mövlud Çavuşoğlu bildirib.   

“Münaqişə başlayandan biz 1 milyondan çox dinc sakini qətlə yetirən Əsəd rejimini ciddi şəkildə tənqid edirik, lakin heç vaxt münaqişənin hər-hansı həllinə qarşı çıxış etməmişik, əksinə”, – deyə M.Çavuşoğlu Romada İtaliya-Türkiyə biznes-forumunda çıxışı zamanı bildirib.

XİN rəhbəri Türkiyənin çoxdan “Suriyanın dostları qrupu”nun və İŞİD-lə mübarizə aparan beynəlxalq koalisiyanın iştirakçısı olduğunu xatırladıb.

“İŞİD terrorçularını Türkiyədən çox məhv edən olmayıb: Suriya və İraqda 4 mindən çox terrorçu məhv edilib. Bundan başqa, xaricdə döyüşlərdə iştirak etmiş 5 mindən çox silahlı ölkədən çıxarılıb, 3 mindən çoxu isə həbs edilib”, – deyə M.Çavuşoğlu qeyd edib.

Onun sözlərinə görə, Ankara uzun müddətdir Suriyadakı müxalifət qruplarını Cenevrə danışıqlarında iştirak etməyə sövq edir, lakin Dəməşqin hazır olmadığı səbəbindən bu proses nəticə gətirmir: “Cenevrədə onların arasında razılıq əldə olunmalıdır”.

Gununsesi.info