Fövqəladə Hallar Nazirliyinin Böhran Vəziyyətlərində İdarəetmə Mərkəzinə, İmişli rayonu, Çaxırlı kəndində 1 nəfərin kanalda çimərkən batması barədə məlumat daxil olub.
“Qafqazinfo” FHN-nin saytına istinadən xəbər verir ki, dərhal Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri hadisə yerinə cəlb olunub və vətəndaşın axtarışlarına başlayıblar.
***
İmişli rayonu, Çaxırlı kəndində kanalda çimərkən batmış 1992-ci il təvəllüdlü Nağıyev Elvin Oktay oğlunun axtarışı Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən davam etdirilir.
Gununsesi.info-nın Fövqəladə Hallar Nazirliyinin saytına istinadən verdiyi məlumata görə, axtarışla bağlı əlavə məlumat veriləcək.
Gununsesi.info
