Suraxanı rayon Polis İdarəsinin əməliyatçıları Hövsan qəsəbəsində baş vermiş oğurluq hadisəsinin üstünü açıblar.
Gününsəsi.info xəbər verir ki, Suraxanı rayon Polis İdarəsinə müraciət edən Hövsan qəsəbəsi sakini Lamiya Gülməmmədova evindən kombi aparatının, elektrik naqillərinin və digər tikinti avadanlıqlarının oğurlandığını bildirib. Araşdırmalara başlayan polis ilk olaraq oğurluq hadisəsini törətməkdə şübhəli bilinən Hövsan qəsəbə sakini 33 yaşlı Azər Şəfayətdin oğlu Məlikovu saxlayıb. Ilkin dindirmə zamanı Azər oğurluq hadisəsini qohumu 31 yaşlı Xəqani Gülağa oğlu Əliyevlə birgə törətdiyini bildirib. Qaynanasının evində yaxalanan Xəqani oğurluqda iştirak etməsini gizlətməyib. Oğurladıqlarını çölə çıxaran cütlük dəmir yolunun üstündən keçəndə arxadan naməlum avtomobilin gəldiyini görüblər. Buzaman oğurluq malları orada qoyaraq qaçıblar. Faktla bağlı başlanan cinayət işi üzrəaraşdırmalar davam edir.
Gününsəsi.info
