Kürdəmirdə yol qəzası olub. Gununsesi.info xəbər verir ki, hadisə şəhərin Bakı prospektində qeydə alınıb. Kürdəmir rayonun Qaraçaqqallı kənd sakini, 27 yaşlı Fəqan Əmrahovun idarə etdiyi “Mercedes” markalı minik maşını ilə Bakı istiqamətində hərəkətdə olarkən, həmin rayonun Xırdapay kənd sakini, 33 yaşlı Raqif Hüseynovun idarə etdiyi “Muravey” markalı motosiklet ilə toqquşub. Nəticədə, motosikletin sürücüsü Rafiq Hüseynov müxtəlif bədən xəsarətləri ilə Kürdəmir Mərkəzi Rayon Xəstəxanasına yerləşdirilib.
İlkin ehtimala görə, hadisəyə səbəb “Muravey”in sürücüsünün dönmə əməliyyatını düzgün yerinə yetirməməsi olub. Faktla bağlı Kürdəmir Rayon Polis Şöbəsində araşdırma aparılır.