Lənkəran meşələrindəki yanğın söndürüldü

  • By admin
  • 04 Avqust 2021 13:08

Lənkəran rayonunun meşə ərazisindəki yanğın artıq söndürülüb.

Gununsesi.info xəbər verir ki, bu barədə Ekologiya və Təbii Sərvətlər Nazirliyinin (ETSN) mətbuat xidmətinin rəhbəri İradə İbrahimova məlumat yayıb.

Onun sözlərinə görə, Yardımlıda isə yanğın lokallaşdırılıb, tam söndürülməsi və digər ərazilərə keçməsinin qarşısının alınması məqsədilə tədbirlər davam etdirilir.

xxx

Lənkəran rayonunun Osaküçə meşəbəyliyinin ərazisində, Hirkan Milli Parkı ilə sərhəddə yanğın hadisəsi baş verib.

Gununsesi.info xəbər verir ki, hazırda Ekologiya və Təbii Sərvətlər Nazirliyinin regional qurumlarının, Fövqəladə Hallar Nazirliyinin Regional Dövlət Yanğından Mühafizə Xidmətinin əməkdaşları tərəfindən yanğının söndürülməsi və digər ərazilərə keçməsinin qarşısının alınması istiqamətində təxirəsalınmaz tədbirlər görülür.

Gununsesi.info