Müğənni Mətanət Əsədova ailə qurmağa hazırlaşır.
Gununsesi.info xəbər verir ki, bu barədə ifaçı “ATV maqazin 10larla” verilişinə açıqlama verib.
Mətanət həyatında sevdiyi birinin olduğunu söyləyib:
“O, məni çox sevir. Mən də başlamışam onu sevməyə. Çox mədəni insandır. Ona hörmətim böyükdür. Bilir ki, mən çılğın müğənniyəm, aramızda qısqanclıq yoxdur”.
Əsədova ərə getməzdən əvvəl çox götür-qoy etdiyini bildirib:
“Sevilən xanımam. Elçilərim də çox olur. Amma mən hər şeyə fikir verirəm. Kişi olanda nə olar. Özünə baxan, təmizkar biri olmalıdır”.
Sənətçi ailə quracağı insanla toy etməyəcəyini də vurğulayıb:
“Toy həyatımda bir dəfə olub. Bu dəfə yığıncaq edəcəm. Mərasim qapalı olacaq və ancaq mənə yaxın dost, tanışımı çağıracam”.
Gununsesi.info
