Birləşmiş Ərəb Əmirliklərinin (BƏƏ) Dubay şəhərinə yağan aramsız yağışlar şəhəri iflic edib.
Gununsesi.org BAKU.WS-ə istinadən xəbər verir ki, Dubayın ən bahalı alış-veriş mərkəzlərindən olan “Dubay Mall” sel sularına qərq olub.
Sosial şəbəkələrdə yayılan görüntülər durumun nə yerdə olduğunu açıq aydın göstərir. Restoranların tavanından içəri su dolub. Leysan yağışlar şəhərin mərkəzi küçələrini də iflic edib.
Qeyd edək ki, aramsız yağan yağış şəhərin infrastrukturuna da ciddi ziyan vurub.
