Türkiyə parlamentində Daxili Nizamnamənin dəyişdirilməsi ilə bağlı müzakirələrə start verilib.
Gununsesi.info-nun Türkiyə mediasına istinadən xəbərinə görə, TBMM-in Daxili Nizamnaməsinin dəyişdirilməsi təklifi hakim AKP və parlamentdəki ikinci müxalifət partiyası MHP-dən gəlib.
Onlar Daxili Nizamnamənin dəyişdirilməsi yönündə 18 dəyişiklikdən ibarət qanun layihəsi təşəbbüsü ilə çıxış edib və adıçəkilən sənədi TBMM başqanına veriblər.
Bu gün isə TBMM-in müvafiq komissiyasında bu istiqamətdə müzakirələrə başlanılıb.
Dəyişikliklərə əsasən, TBMM-in plenar iclasları axşam saat 21-dək davam edəcək.
Eyni zamanda, plenar iclaslar fasiləsiz canlı yayımla yayınlanacaq.
“Frak” geyinmə məcburiyyəti aradan qaldırılacaq.
Həmçinin, TBMM-də and içməyən millət vəkili deputalar üçün nəzərdə tutulan haqqlardan-imtiyazlardan yararlana bilməyəcəklər. Onlara maaş, danışman-tərcüməçi, otaq verilməyəcək və sair…
Qeyd edək ki, hələlik CXP və HDP adıçəkilən dəyişikliklərlə bağlı müsbət fikirdə olmadıqlarını bildiriblər.
Kamil HƏMZƏOĞLU
Gununsesi.info
