Sumqayıtda oğurluqla məşğul olan qadın tutulub. Gununsesi.info Daxili İşlər Nazirliyinin mətbuat xidmətinə istinadən xəbər verir ki, Sumqayıt ŞPİ-nin əməkdaşları tərəfindən mayın 19-da şəhər sakini K.Dadaşovanın mobil telefonunu oğurlamaqda şübhəli bilinən şəhər sakini, əvvəllər məhkum olunmuş Esmira Əmirova saxlanılıb. Ətrafında aparılmış əməliyyat tədbirləri ilə onun martın 29-da digər şəhər sakini F.İsaqovanın içərisində 460 manat olan pulqabısını oğurlaması da müəyyən edilib.
Araşdırmalar davam etdirilir.