Qətər Birləşmiş Ərəb Əmirlikləri (BƏƏ), Səudiyyə Ərəbistanı, Misir və Bəhreyndən təzminat tələb etməyə hazırlaşır.
Gununsesi.info Türkiyə mətbuatına istinadən xəbər verir ki, bu haqda Qətərin iqtisadiyyat və ticarət naziri Şeyx Əhməd bin Casim bin Mohammad Al Tani İsveçrənin Cenevrə şəhərində Dünya İqtisadi Forumunun icraçı sədri Klaus Şvab, Ümumdünya Əqli Mülkiyyət Təşkilatının (ÜƏMT) Baş direktoru Frensis Qarri, Ümumdünya Ticarət Təşkilatının (ÜTT) Baş direktoru Roberto Azevedo ilə görüşündə belə deyib.
Belə ki, nazir bildirib ki, Qətər 5 iyun tarixində bu ölkələrin sərhədləri bağlaması nəticəsində zərərçəkmiş yerli və xarici şirkətlərin zərərlərinin qarşılanması üçün məhkəməyə müraciət edəcək.
Lakin Şeyx Əhməd bu ölkələrə qarşı iddiaların nə zaman və hansı məhkəmələrdə açılacağı, eləcə də tələb olunacaq təzminatların məbləği barədə məlumat verməyib.
Anar
Gununsesi.info
