Oktyabrın 30-da saat 15:00-da “Artsax milli məclisi”nin növbədənkənar sessiyası və mitinqi olacaq.
Gununsesi.info xəbər verir ki, bu barədə “Joqovurd” qəzeti etibarlı mənbələrə istinadən çıxış edib.
Erməni nəşri mövzunu belə davam etdirib:
“Qeyd edək ki, Stepanakertdə (Xankəndi) keçiriləcək mitinq və “milli məclis” deputatlarının təşəbbüsü ilə çağırılan sessiya oktyabrın 31-də Nikol Paşinyan, İlham Əliyev və Vladimir Putinin üçtərəfli görüşündən bir gün əvvəl baş tutacaq və orada açıq mesajların veriləcəyi gözlənilir.
Bizə bildirildi ki, sessiyadan sonra sərt bəyanat veriləcək və Ermənistan hakimiyyətinə aydın mesaj veriləcək ki, “Artsax xalqı” məsələnin həllinin Vaşinqton və Brüssel versiyasına qarşıdır. Onlar yalnız rus versiyasının tərəfdarı olub-olmadığını sabah açıqlama ilə təsdiq edəcək.
Qeyd edək ki, Rusiya prezidenti Vladimir Putin oktyabrın 27-də “Valday” klubunda çıxışı zamanı bunları qeyd edib:
“Əgər erməni xalqı və onun rəhbərliyi Qarabağın suverenliyini Azərbaycana verəcəyi sənədi imzalamaq istəyirsə, bu, erməni xalqının və onun hökumətinin seçimidir”.
Həm də bu bəyanatlar və mövcud variantlar “Artsax”ın sərt bəyanatla çıxış etmək və öz nöqteyi-nəzərini təqdim etmək qərarına gəlməsinin səbəbidir və açıq şəkildə bildirilir ki, Rusiya variantından başqa hər hansı başqa təklif onlar üçün məqbul deyil”.
Gununsesi.info
