Tarixdən bu günə qədər inşa edilmiş abidə və heykəllər özünəməxsus xüsusiyyətlərə malik olub. Belə ki, onların yaradılmasında müəyyən səbəb və məqsədlər var.
Gununsesi.info primetime.az-a istinadən xəbər verir ki, onlardan bəziləri vəfat etmiş şəxsin xatirəsini yaşatmaq naminə, digərləri isə insanların maraq və diqqətini çəkmək üçün inşa edilib. Sadaladığımız ikinci varianta aid olan heykəltəraşlıq nümunələri kreativ və orijinal obrazlarla seçilir. Bunların hər biri standartlardan kənarlaşaraq yüksək məharət və ustalıqla ərsəyə gətirilib.
Dünyanın bir sıra ölkələrində inşa edilən bu qeyri-adi və maraqlı abidələri təqdim edirik:
1.“Mustanq atları”, Texas, ABŞ.
Dünyanın ən məşhur nümunəsi sayılan bu abidədə 9 mustanq – vəhşi atlar təsvir olunub. Onlar fəvvarənin içində qaçan vəziyyətdə təsvir edilib. Layihəsi 1967-ci ilə aid olan abidənin inşası 1984-cü ildə başa çatdırılıb.
2.“Qadın çantası”, İtaliya.
Bu abidə ilk dəfə İtaliyada “Fikirlər. Məkan. Təbiət və xəyallar arasında dialoq” adlı sərgidə nümayiş olunub. Başı çantanın içində olan qadın təsviri yaratmaqla heykəltəraş qadınların hər şeyə hədsiz dərəcədə maraq göstərdiyini vurğulamış olub.
3.“Düyün vurulmuş silah”, Nyu-York, ABŞ.
Bu heykəl britaniyalı musiqiçi Con Lennonun öldürülməsinin xatirəsinə qurulub. Yaradıcısı isveçrəli rəssam Karl Fredrik Reytersvorddur.
4.“Səyyah”, Marsel, Fransa.
Bu heykəltəraşlıq səri təkcə Marsel küçələrinin deyil, ümumilikdə bütün dünya memarlığının maraq doğuran abidəsi hesab olunur.
5.“Xedinqton akulası”, Oxford, Böyük Britaniya.
Burada, akula ölümcül raket formasında inşa edilib. Bu memarlıq əsəri Naqasaki şəhərinə atom bombasının atılmasının 41-ci illiyinə həsr olunub.
6.“Çaya tullanan insanlar”, Sinqapur.
Memar Çonq Fa Çeonq Sinqapur çayı yaxınlığında yaşayan və çalışan adamları bu cür təsvir edib.
7.“Təbiətin gücü”, Yer kürəsini kiçik bir parça ilə saxlayan qadın, Qatar.
Abidənin müəllifi italyan rəssam Lorenso Kuin olub. Bu abidədə qadının güc simvolu olduğu ön plana çəkilib.
8.“De Vaartkapoen” heykəli , Brüssel, Belçika.
1985-ci ildə qurulmuş heykəlin müəllifi belçikalı memar Tom Fransen olub. Memarlıq nümunəsində kiçik bir məzəli səhnə təsvir edilib: kanalizasiya dəliyində gizlənmiş adam qəfildən polis əməkdaşının ayağından yapışaraq onu yıxır.
9.“Çimən qadın”, Hamburq, Almaniya.
Müəllifi Oliver Voss olan heykəl kosmetika firmasının reklam kampaniyası üçün qurulub.
10.“Nişan üzükləri”, Vankuver, Kanada.
Bu, Vankuverin ən gözəl abidələrindən biridir. Əyilmiş vəziyyətdə olan üzüklər polad, alüminium və şüşədən düzəldilib.
Gununsesi.info