Bu ilin yanvar-sentyabr aylarında ölkə iqtisadiyyatına yönəldilmiş investisiyaların həcmi 11,09 milyard manat olub.
Gununsesi.info bunu Dövlət Statistika Komitəsinə istinadən bildirir.
DSK-nin məlumatına görə, həmin vəsaitini 41.7 faizi və ya 4,6 milyard manatı qeyri-neft sektoruna yönəldilib. Ümumi sərmayənin 73,1 faizi bilavasitə tikinti-quraşdırma işlərinin yerinə yetirilməsinə sərf edilib. Daxili mənbələrdən əsas kapitala yönəldilmiş vəsait ümumi sərmayənin 40,5 faizini təşkil edib. Sərmayələrin mənbələrinə gəlincə, aşağıdakı kimidir
– Müəssisə və təşkilatların vəsaitləri 67,5 faiz,
– Bank kreditləri 12,2 faiz,
– Büdcə vəsaitləri 12,7 faiz,
– Əhalinin şəxsi vəsaitləri 5,5 faiz,
– Büdcədənkənar fondların vəsaitləri 1,4 faiz,
– Sair vəsaitlər isə 0,7 faiz təşkil edib.
Qeyri-neft sektoruna yatırılan kapitalın həcmi 13 faiz artıb.
Vüsalə
Gununsesi.info