Rusiyada yeni tip koronavirus sınaqlarında istifadə üçün nəzərdə tutulan siçanların hazırlanmasına başlanılıb.

Gununsesi.org bildirir ki, bu barədə “Rospotrebnadzor”dan (“İstehlakçı hüquqlarının müdafiəsi və insan rifahına nəzarət üzrə Federal Xidmət”) məlumat verilib.

Sözügedən tədqiqatla “Vektor” Dövlət Virusologiya və Biotexnologiya Elmi Mərkəzi məşğul olur. Qurumdan bildirilir ki, xüsusi siçanların yaradılması koronavirus preparatlarının və hazırlanan peyvəndlərin sınaqdan keçirilməsinə şərait yaradacaq.

Yeni siçanların əvvəlkilərdən “bioloji təhlükəsizlik” baxımından fərqlənəcəyi qeyd edilir.

Gununsesi.org