Rusiya Silahlı Qüvvələrinin polkovniki Ruslan Qalitski Suriyada həlak olub.
Gununsesi.info TASS-a istinadən məlumat verir ki, bu barədə Rusiya Müdafiə Nazirliyi açıqlama yayıb.
Açıqlamada bildirilir ki, R. Qalitski Hələb şəhərinin qərb tərəfində silahlı qrupların artilleriya zərbəsi nəticəsində ölüb. Nazirlikdən bildirilib ki, polkovnik Suriyada rusiyalı hərbi məsləhətçilərin tərkibində fəaliyyət göstərib. R. Qalitski komandanlıq tərəfindən ali dövlət mükafatına təqdim olunub.
Rusiya Müdafiə Nazirliyi Suriyada indiyədək 23 hərbi qulluqçu itirdiyini bəyan edib.
Gununsesi.info
