“SOS” MMC 20 Yanvar şəhidlərini unutmadı - Fotolar/ Video

20 Yanvar faciəsinin 35-cü ildönümü münasibəti ilə peşəkar mühafizə şirkəti  “Security Operation Services”  (SOS) MMC Şəhidlər xiyabanını ziyarət edib.

Gununsesi.info xəbər verir ki, “SOS” MMC-nin rəhbərliyi və əməkdaşları Azərbaycanın müstəqilliyi və ərazi bütövlüyü uğrunda şəhid olaraq, canından keçən qəhrəman Vətən övladlarının məzarlarını ziyarət edib.

Şəhidlərimizin məzarına gül dəstələri, əkili qoyulub və onların ruhlarına dualar oxunub və onların xatirələri ehtiramla yad edilib.

Saytımıza açıqlamasında “SOS” MMC-nin direktoru Anar Məmmədov 20 Yanvar faciəsinin 35-cü ildönümü ilə əlaqədar şəhid olanların ailə üzvlərinə və yaxınlarına başsağlığı verib.

Şəhid ailələrinə daim diqqət və qayğı göstərən “Security Operation Services” (SOS) MMC, onların maddi və sosial rifahını yaxşılaşdırmaq məqsədilə müxtəlif iş imkanları təqdim edir.

Bu istiqamətdə həyata keçirilən tədbirlərdən biri də 20 Yanvar şəhidi Hüseynov Rahib Məmməd oğlunun qızı Vəlixanova Mariyə xanımın işlə təmin olunmasıdır.

Mariyə xanım 2024-cü ildə “Security Operation Services” MMC-nin Sumqayıt şəhərindəki komandasında işə qəbul olunub. Bu addım şəhid ailələrinin sosial vəziyyətlərinin yaxşılaşdırılmasına yönəlmiş mühüm bir təşəbbüsün tərkib hissəsidir.

 

 

Şəbnəm

Gununsesi.info