Tanınmış rusiyalı telejurnalist Kseniya Sobçak 2018-ci ildə Rusiyada keçiriləcək prezident seçikilərində namizədliyini irəli sürərək özünü sınayacağını bəyan edib.
Gununsesi.info rian.ru-ya istinadən xəbər verir ki, artıq Kseniya Sobçak 2018-ci ilin martında keçiriləcək prezident seçkilərində iştirakla bağlı iddiasını ortaya qoyaraq “hamıya qarşı”, o cümlədən Vladimir Putinə qarşı namizəd kimi seçki marofonuna qatılmaq istəyir.
“Dom-2” teleşousunun aparıcısı, müğənni Olqa Buzova da Kseniya Sobçakı dəstəkləyərək bəyan edib ki, Kseniya Rusiyanın ilk qadın prezidenti olacaq.
Qeyd edək ki, Rusiyada prezident seçkiləri 2018-ci ilin martında keçiriləcək. Seçki kampaniyasına isə 2017-ci ili dekabr ayından start veriləcək.
Gununsesi.info
