Tanzaniyanın dövlət başçısı Con Maqufuli koronavirusa yoluxan oğlunun ənənəvi müalicə üsulları ilə sağaldığını iddia edib.
Gununsesi.org-un məlumatına görə, o, bunun üçün limon və zəncəfil qarışığından istifadə etdiklərini bildirib.
“Oğlum COVID-19-a yoluxduqdan sonra özünü təcrid etdi və müalicəyə başladı. Bitkilərdən, limon və zəncəfildən istifadə edərək, həmçinin, idmanla məşğul olaraq sağaldı”, – deyə prezident bildirib.
Qeyd edək ki, Tanzaniyada bu günə qədər 509 yoluxma faktı qeydə alınıb. Onlardan 21 nəfər ölüb, 183 nəfər isə sağalıb.
Gununsesi.org
