Tramp İranı terrorda ittiham etdi

  • By admin
  • 17 Sentyabr 2019 10:02

 

ABŞ Prezidenti Donald Tramp Səudiyyə Ərəbistanının neft emalı zavodlarına edilən hücuma görə məsuliyyəti İran daşıdığını deyib.

HTML tutorial

Gununsesi.org-un xəbərinə görə, eyni zamanda o, tələsmədiyini və hücumun kim tərəfindən törədildiyinə əmin olmaq istədiyini bildirib.

Bir neçə ABŞ rəsmisi, o cümlədən Dövlət Katibi Mayk Pompeo və Enerji Katibi Rik Perri Tehranı hücumlarda günahlandırıb.

Tramp əlavə edib ki, ABŞ hərbi münaqişə istəməsə də, buna hazırdır.

Səudiyyə Ərəbistanının iri neftayırma şəbəkəsini hədəf alan hücumlar dünya neft hasilatını beş faiz azaldıb.

İran hücuma görə məsuliyyəti danır. Prezident Həsən Ruhani hücumun “Yəmən xalqı” tərəfindən törədildiyini deyərək onu Səudiyyənin rəhbərlik etdiyi koalisiyanın bu ölkədə apardığı dördillik müharibə ilə əsaslandırıb.

Səudiyyə rəsmiləri hücumun arxasında İranın dayandığını hesab edir.
Səudiyyə rəsmiləri hücumun arxasında İranın dayandığını hesab edir.

Tramp bildirib ki, ABŞ-ın hücumlara cavab üçün seçimləri çoxdur. Onun sözlərinə görə hərçənd ki, ABŞ Riyada yardım edə bilər, Vaşinqton belə bir vəd etməyib.

Səudiyyə Ərəbistanına edilən hücumlar dünyanın ən iri neftayrıma zavodunu sıradan çıxarmış və son 30 ildə ən böyük neft qiyməti artımına səbəb olmuşdur.

Gununsesi.org