ABŞ prezidenti Donald Tramp və Almaniya kansleri Angela Merkel arasında martın 14-ə planlaşdırılan görüş təxirə salına bilər.
Gununsesi.info APA-ya istinadən xəbər verir ki, bu, Vaşinqtona yaxınlaşan şiddətli qar proqnozu ilə əlaqədardır.
Bu barədə jurnalistlərə məlumat verən Ağ Evin mətbuat katibi Şon Spayser bildirib ki, hazırda Almaniya tərəfi ilə müvafiq danışıqlar aparılır: “Biz Angela Merkelin səfəri ilə bağlı Almaniya rəsmiləri ilə daim ünsiyyətdəyik. Səfərlə bağlı əlavə məlumat gün ərzində veriləcək”.
Qeyd edək ki, bu, Merkel və Tramp arasında keçiriləcək ilk rəsmi görüş olacaq.
Gununsesi.info
