Türkiyənin Hakkari şəhərinin İraqla sərhəddə yerləşən Şemdinli bölgəsində hərbi bazada partlayış baş verib.
“Qafqazinfo”nun “Hürriyet”ə istinadən məlumatına görə, 25 əsgər yaralanıb, daha 7 hərbçinin isə axtarışları davam etdirilir. İnsident top atışı zamanı texniki cəhətdən nasaz silah-sursatın partlaması nəticəsində baş verib. Hadisə yerində axtarış-xilasetmə əməliyyatları aparılır.
Qeyd edək ki, Şemdinli Sülh Cəza Prokurorluğu məsələnin mediada işıqlandırılmasına qadağa qoyub.
