Türkiyənin tanınmış aktyoru Ayberk Atilla vəfat edib.
Gununsesi.info Türkiyə KİV-lərinə istinadən məlumat verir ki, sənətçi yanvarın 21-də evində ölüb. Aktyor bir müddətdir, xərçəng xəstəliyindən əziyyət çəkirdi.
1946-cı ildə İstanbulda anadan olan Ayberk Atilla İstanbul Universitetində təhsil alıb. Sənət karyerasına 1967-ci ildə Lalə Oraloğlu Teatrında başlayıb. Müxtəlif illərdə Türkiyənin bir neçə teatrında çalışıb.
A. Atilla “Səksənlər”, “Leyli və Məcnun” “Hürrəm Sultan” kimi məşhur seriallarda, o cümlədən “Sən işıldaquş gördün?”, “Orqanize işlər”, “Yuxu kimi” filmlərdə müxtəlif obrazlar yaradıb. Son olaraq, “Kiralıq eşq” teleserialında rol alıb.
Gununsesi.info
